Honda bu yaxınlarda yeni nəsil CR-V modelini təqdim etdi. Amerika bazarı üçün nəzərdə tutulan yapon modelinin ölçüləri artıb və xarici görünüşü dəyişib. Rəsmi açıqlamaya görə, krossover daha dayanıqlı olub və rahat gedişi təmin edir. Mühəndislər həmçinin gövdənin burulma sərtliyini 15% artırıblar. 2023-cü il Honda CR-V ilə maksimum 190 at gücünə malik yenilənmiş 1,5 litrlik turbomühərrik təklif edildi. Bundan əlavə, krossover bazada 2 litrlik mühərriki olan hibridlə təchiz edilib. Onun gücü 204 at gücünə çatır. Bundan əlavə, Honda seçim və təhlükəsizlik sistemlərinin siyahısını genişləndirdi. Nəticədə, CR-V-də edilən bütün yeniliklər krossoveri daha yaxşı etdi. Amma amerikalı sürücülər yapon modelinin bir sıra çatışmazlıqlarına diqqət yetiriblər.

Amerikalı avtomobil sürücülərinin fikrincə, Honda CR-V bəzi məsələlərdə hələ də öz sinfinə uyğun gəlmir. Xüsusilə yapon modelində ən ucuz krossoverlərdə mövcud olan bir sıra seçimlər yoxdur. Bununla belə, hətta bu əlavələrin olmaması da yəqin Honda CR-V-nin satışlarına zərər verməyəcək.

Bir çox amerikalı avtomobil sürücüsü qeyd edir ki, yeni Honda CR-V keyfiyyətcə yaxşılaşıb. Üstəlik, dəyişikliklərin ən az bir hissəsi yapon krossoverinin əvvəlki versiyalarının sahiblərinin xahişləri ilə bağlıdır.

Ümumiyyətlə, rəylərə əsasən, Honda CR-V-ni alıcıların əsas auditoriyasının ehtiyaclarını ödəmək üçün yeniləməyi bacardılar. Bu, krossoverə ən azı ABŞ bazarında liderlik mövqeyini qoruyub saxlamağa kömək edəcək.

Tərcümə: Famil Ələkbərli

Mənbə: naavtotrasse.ru